Logo de corenta e catro anos de Día das Letras, este 2007, ano en que o goberno galego aprobou a Lei do traballo en igualdade das mulleres de Galicia, dános para reparar en que son unicamente tres as mulleres que contaron con esta homenaxe. E para pensar no poder simbólico que recoñecementos coma este teñen de cara a superar a invisibilidade social en que se atopa a obra de non poucas creadoras de noso.

Un día que comezou para conmemorar os cen anos da publicación de Cantares gallegos, daquela dedicado a Rosalía, figura fundacional, só atendeu a obra escrita por mulleres de volta en 1987, cando foi Francisca Herrera Garrido a escritora elixida e neste 2007, ano de María Mariño.

• Rosalía de Castro
• Francisca Herrera Garrido